Օդային կոփումը` փոքրիկի առողջության գրավական

Մանկիկի առողջություն ամրապնդելու համար նրան մինչև 1 տարեկան հասակը պետք է նաև կոփել:

Ինչո՞վ է օգնում կոփումը

• Ամրացնում է իմունային համակարգը և օգնում է օրգանիզմին պայքարել վարակների դեմ
• Արագացնում է օրգանիզմի հարմարվողականությումը արտաքին միջավայրին
• Կարգավորում է նյութափոխանակությունը
• Դրական է ազդում օրգանիզմի նյարդային  համակարգի աշխատանքի վրա
• Բարելավվում է  փոքրիկի քունը, ախորժակը և ընդհանուր ֆիզիկական և հոգեկան վիճակը

Հատուկ դեպքեր

• Եթե հիվանդությունն ուղեկցվում է ջերմաստիճանի բարձրացմամբ, կոփման գործընթացը  պետք է դադարեցնել և վերսկսել միայն փոքրիկի առողջանալուց հետո
• Հաճախ հիվանդացող փոքրիկներին կոփելիս պետք է հետևել բժիշկների հատուկ խորհուրդներին

Ե՞րբ սկսել կոփումը 

Փոքրիկին կարելի է կոփել 1 ամսականից սկսած, եթե .

• փոքրիկը առողջ է, չունի ի ծնե հիվանդություններ,
• լավ է քնում, ուտում,  ունի նորմալ քաշ և  աճում է իր հասակին համապատասխան

Կոփման ամենաթեթև միջոցը օդայինն է 

Փոքրիկի համար ավելի տանելի է թեթև ցուրտը, քան շոգն ու տապը: Եթե փոքրիկը քնում է բաց պատուհանի առկայությամբ, ապա քունն ավելի ամուր և երկար է լինում: Զբոսանքից հետո ախորժակը շատ ավելի լավ է լինում: Մաքուր օդում փոքրիկը ավելի ակտիվ է: Օդային կոփումը բարելավվում է փոքրիկի ֆիզիկական ինքնազգացողությունը:

Մասնագետները  նշում են, որ օդային կոփումը կարելի է սկսել անգամ մեկ  օրական հասակում: Պարզապես պետք է սենյակը 15 րոպե տևողությամբ օդափոխել օրական  4-5 անգամ ձմռանը, իսկ ամռանը ողջ օրը թարմ օդի հոսք ապահովել: Սենյակն օդափոխելիս երեխային պետք է այլ վայր տեղափոխել:

Փոքրիկի զբոսանքը մաքուր օդում

• Ձմռանը -15^օ C ոչ պակաս ջերմաստիճանում 1-1,5 ժամ
• Ամռանը 2-2,5 ժամ, օրվա մեջ՝ 2-3 անգամ

Փոքրիկներին մինչև 2 տարեկանը խորհուրդ է տրվում մաքուր օդում քնեցնել: Ամռանը փոքրիկն առավելաչափ պետք է դրսում լինի: Պետք է համապատասխան հագցնել նրան և խուսափել արևահարումից:

Օդային լոգանքներ

• Ձմռանը` սենյակային պայմաններում (+20-23<sup>օ</sup> C դեպքում) 15-30 րոպե` կախված փոքրիկի տարքից
• Ամռանը` սենյակում կամ դրսում (+23-26^օ C դեպքում) 30-45 րոպե, կարելի է նաև ավելի: