Սիրելի փոքրիկ, իսկ դու գիտե՞ս, որ այսօր ողջ հայության համար եռակի, ինչու ոչ, անգամ քառակի տոն է:
Մայիս ամիսը հայերիս համար հաղթանակների ամիս է: Հաղթական օրերից մեկն էլ մայիսի 9-ն է:
Ուղիղ 69 տարի առաջ՝ 1945 թվականի մայիսի 9-ին, ավարտվեց Հայրենական մեծ պատերազմը: Ֆաշիստական Գերմանիայից մեր հայրենիքը պաշտպանելու համար 600
Սիրելի փոքրիկ, իսկ դու գիտե՞ս, որ այսօր ողջ հայության համար եռակի, ինչու ոչ, անգամ քառակի տոն է:
Մայիս ամիսը հայերիս համար հաղթանակների ամիս է: Հաղթական օրերից մեկն էլ մայիսի 9-ն է:
Ուղիղ 69 տարի առաջ՝ 1945 թվականի մայիսի 9-ին, ավարտվեց Հայրենական մեծ պատերազմը: Ֆաշիստական Գերմանիայից մեր հայրենիքը պաշտպանելու համար 600 հազար քաջարի հայորդիներ զինվորագրվեցին: Նրանց մի խումբը մարտնչեց ու հասավ մինչև Բեռլին, որտեղ քոչարի պարեց՝ ազդարարելով հաղթանակը թշնամու նկատմամբ:
Սրանից 22 տարի առաջ՝ 1992 թվականի մայիսի 9-ին, արիասիրտ հայորդիներն ազատագրեցին Շուշին՝ հայկական գեղեցիկ լեռնային բերդաքաղաքը: Քաղաքը զավթած ադրբեջանցիները Շուշիի բարձունքներից շարունակ կրակում էին Արցախի մայրաքաղաք Ստեփանակերտի ու հարակից բնակավայրերի վրա: Առանց Շուշիի ազատագրման հնարավոր չէր լինի հայերիս հաղթանակն արցախյան պատերազմում: Շուշիի ազատագրման գործողությունը հայերը կոչել են «Հարսանիք լեռներում»:
1994 թվականի մայիսի 9-ին Ադրբեջանը իր իսկ խնդրանքով ստորագրեց զինադադարի մասին համաձայնագիր: Հայերի դեմ պատերազմ սանձազերծած ադրբեջանցիները հասկացել էին, որ չեն կարող հաղթել հայերին, ավելին, եթե պատերազմը շարունակվի, գուցե իրենց մայրաքաղաք Բաքվից էլ զրկվեն, ուստի և խնդրեցին վերջ դնել պատերազմին: Արդեն 20 տարի է, Ադրբեջանը ստիպված պահպանում է զինադադարը, քանի որ գիտի՝ այն խախտելու դեպքում հայ զինվորներից նորից պարտություն կկրի:
1992-ի մայիսի 9-ը նաև Արցախի պաշտպանության բանակի հիմնադրման օրն է: Մեր քաջ զինվորներն օր ու գիշեր սահմանն են հսկում, որպեսզի դու, սիրելի փոքրիկ, խաղաղ քնես, խաղաս, մանկապարեզ գնաս ու պարզապես անհոգ ու երջանիկ լինես:
Շնորհավոր տոնդ, սիրելի փոքրիկ: