Թե կնոջ, թե տղամարդու բժշկական հետազոտությունը կարևոր փուլ է երեխա բեղմնավորելուց առաջ: Այսպիսով հնարավոր կլինի ապագա հայրիկի մոտ բացահայտել հնարավոր սեռական ճանապարհով փոխանցվող ինֆեկցիաները կամ այն խանգարումները, որոնք կարող են խոչընդոտել բեղմնավորմանը կամ էլ լուրջ ժառանգական հիվանդությունների պատճառ դառնալ: Հնարավոր ժառանգական հիվանդությունների ռիսկը պարզելու համար կարևոր է նաև ընտանեկան անամնեզը` հարազատների մոտ ի ծնե գոյություն ունեցող արատների ու դրանց զարգացման մասին ինֆորմացիան:
Թե կնոջ, թե տղամարդու բժշկական հետազոտությունը կարևոր փուլ է երեխա բեղմնավորելուց առաջ: Այսպիսով հնարավոր կլինի ապագա հայրիկի մոտ բացահայտել հնարավոր սեռական ճանապարհով փոխանցվող ինֆեկցիաները կամ այն խանգարումները, որոնք կարող են խոչընդոտել բեղմնավորմանը կամ էլ լուրջ ժառանգական հիվանդությունների պատճառ դառնալ: Հնարավոր ժառանգական հիվանդությունների ռիսկը պարզելու համար կարևոր է նաև ընտանեկան անամնեզը` հարազատների մոտ ի ծնե գոյություն ունեցող արատների ու դրանց զարգացման մասին ինֆորմացիան:
Բժշկի կողմից նշանակված հետազոտությունների պատասխանների մեկտեղմամբ հնարավոր կլինի պարզել`որանքով է տղամարդն առողջ և կա արդյոք բուժման կարիք:
Ինչի՞ց սկսել
Հետազոտությունը հարկավոր է սկսել ուրոլոգին այցելությունից: Բժիշկն արտաքին զննություն կանցկացնի, որից հետո համապատասխան անալիզներ ու հետազոտություններ կնշանակի:
Ի՞նչ անալիզներ կարող են նշանակվել
Սովորաբար բժիշկը խորհուրդ է տալիս հանձնել հետևյալ անալիզները` արյան ընդհանուր և բիոքիմիական անալիզ, մեզի ընդհանուր անալիզ, արյան խումբը և ռեզուս գործոնը որոշող անալիզ, ինֆեկցիաների, ինչպես նաև սեռավարակների անալիզ`ՄԻԱՎ/ՁԻԱՀ, սիֆիլիս, հեպատիտ Ց և Բ, ինչպես նաև հորմոնների անալիզ:
Ի՞նչ է սպերմատոգրաման
Սպերմատոգրաման սերմնահեղուկի ուսումնասիրությունն է միկրոսկոպիկ եղանակով, որը պատկերացում է տալիս բեղմնավորման հնարավորության մասին: Բժիշկն ուսումնասիրում է սպերմատոզոիդների կառուցվածքը, շարժունությունը և քանակը, ինչպես նաև լրացուցիչ ցուցիչները, որոնք վկայում են սեռական համակարգի վիճակի մասին: Սպերմատոգրամայից 3-4 օր առաջ հարկավոր է հրաժարվել ալկոհոլից, դեղերից, կծու սննդից, զերծ մնալ ֆիզիկական ծանրաբեռնվածությունից ու սեռական հարաբերություններից, այլապես կլինիկական պատկերը կարող է թյուր լինել: Սպերմատոգրամայի համար հարկավոր է թարմ սպերմա, ուստի հետազոտության համար նյութը հանձնում են մաստուրբացիայի միջոցով լաբորատորիայում, կամ էլ տանը`շտապ լաբորատորիա հասցնելու պայմանով:
Էլ ի՞նչ հետազոտություններ կարող են նշանակվել
Պրոստատիտի նշանների դեպքում բժիշկը կարող է նաև շագանակագեղձի արտազատուկի անալիզ նշանակել:
Նյութն ըստ mama.ru կայքի