Հղիությանը վերաբերող շատ լեգենդներ և զարմանալի փաստեր գոյություն ունեն: Դրանցից շատերը սննդի օգտագործմանն են վերաբերում:
Այս հոդվածում ցանկանում ենք անդրադառնալ ոչ միայն հղի կնոջ սննդի օգտագործման վնասակար սովորություններին, այլ նաև խորհուրդներ տալ դրանք շտկելու համար:
Հղիությանը վերաբերող շատ լեգենդներ և զարմանալի փաստեր գոյություն ունեն: Դրանցից շատերը սննդի օգտագործմանն են վերաբերում:
Այս հոդվածում ցանկանում ենք անդրադառնալ ոչ միայն հղի կնոջ սննդի օգտագործման վնասակար սովորություններին, այլ նաև խորհուրդներ տալ դրանք շտկելու համար:
1.Ոտքի վրա սնվել
Հղիներին ցանկալի չէ ոտքի վրա սնվել, որովհետև այսպես սնունդը լավ չի ծամվում: Դա կարող է առաջացնել գաստրիտ և ծանրություն փորում: Հղիության ընթացքում խորհուրդ է տրվում մի փոքր դանդաղեցնել տեմպերը և անպայման գտնել ժամանակ լիարժեք սնունդ ընդունելու համար: Փորձեք սնվելիս մանրակրկիտ ծամել ուտելիքը: Այդպես լավանում է մարսողությունը, օգտակար նյութերն ավելի լավ են յուրացվում:
Կարևոր է կանոնավոր սնվել: Այս պարագայում ակամա հրաժարվում ես ոտքի վրա ուտելու սովորությունից: Եթե ինչ-ինչ պատճառներով ստիպված եք ուշ ճաշել, ապա կարող եք ուտել խնձոր, բանան, յոգուրտ: Խորհուրդ չի տրվում քաղցը հագեցնել քաղցրավենիքով:
Գիշերը քնելուց առաջ պետք չէ շատ ուտել և ստամոքսը ծանրաբեռնել: Մեծացած արգանդը կսեղմի ծանրաբեռնված ստամոքսին, և դժվար թե կարողանաք հանգիստ քնել:
2.Ալկոհոլի օգտագործում
Բոլորս էլ գիտենք, որ հղիությունը և ալկոհոլն անհամատեղել են: Չգիտես ինչու ապագա մայրիկների մի մասը կարծում է, որ մի բաժակ գինին կամ գարեջուրը չի վնասի: Բայց դա այդպես չէ: Հիշե՛ք, որ ալկոհոլի հազվադեպ օգտագործումը, թեկուզ փոքր քանակությամբ, կարող է բերել փոքրիկի զարգացման խանգարումների:
3.Թունդ թեյ կամ սուրճ
Ցավոք, հղիներին խորհուրդ չի տրվում թունդ սուրճ կամ թեյ օգտագործել: Այս ըմպելիքները պարունակում են նյութեր, որոնք գրգռում են պտղի նյարդային համակարգը: Այդ պատճառով բժիշկները խորհուրդ են տալիս հրաժարվել դրանցից հղիության ընթացքում: Որպես այլընտրանք՝ կարող եք օգտագործել սպիտակ, կանաչ կամ խոտաբույսորով թեյ, իհարկե, նախապես խորհրդակցելով հղիությունը վարող բժշկի հետ:
4.Թխվածքների չարաշահում
Որքան էլ համեղ լինեն կարկանդակները, բուլկիները, թխվածքները, հղիության ընթացքում ցանկալի է չչարաշահել դրանց օգտագործումը: Դրանք առաջացնում են ստամոքսի վքնածություն և ավելորդ կիլոգրամներ:
Հղիության ժամանակ ավելի լավ է օգտագործել չմշակված ցորենով պատրաստված հացաբուլկեղեն: Նրանց մեջ շատ են մանրաթելերը, որոնք խթանում են աղիքների աշխատանքը: Հայտնի է, որ շատ հղիներ փորկապություն են ունենում: Չմշակված ցորենից պատրաստված հացը կօգնի լուծել այդ խնդիրը:
Շարունակելի
Աղբյուրը` mamka.ru