Մանկաբարձ-գինեկոլոգ, սոնոգրաֆիստ Աննա Խաչիկյանը պատասխանել է  «Իմ փոքրիկ»-ի ընթերցողների հարցերի հերթական խմբաքանակին։

«Շենգավիթ» ԲԿ-ի նորածնային ինտենսիվ թերապիայի բաժանմունքի ավագ մասնագետ Արթուր Ջանազյանը պատասխանել է «Իմ փոքրիկ»-ի ընթերցողների հարցերի հերթական խմբաքանակին:

Անուն` Նինա

Հարց՝ Բարև Ձեզ: Հարգելի՛ բժիշկ, փոքրիկս 1 տարեկան է  և արդեն 10 օր է՝ ինքնուրույն քայլում է: Տոտիկները լայն է գցում, իսկ քայլվածքի մեջ նկատվում է կլորություն: Մանկաբույժն ասել է, որ երեխային երկու ամիս վիտամին D տամ օրական 4 կաթիլ չափաբաժնով և կուղղվի: Արդյո՞ք բարդություններ չեն առաջանա:

Պատասխան՝ Ոտքերի կորությունը կարող է հանդիսանալ վիտամին D-ի պակասի նշան, բայց եթե խնդիրը ծուռթաթության մեջ է, ապա Ձեզ օգտակար կլինի մանկական օրթոպեդը։

Անուն` Էմմա

Հարց՝ Բարև Ձեզ: Կասե՞ք, թե ինչով է պետք լողացնել նորածին երեխային:

Պատասխան՝ Նորածնին լողացնելիս օգտագործեք մանկական օճառ կամ գել։

Անուն` Անուշ

Հարց՝ Երեխաս 11 ամսական է, ծնված օրվանից ոչ մի գիշեր նորմալ չի քնել ու անընդհատ ուզում է խաղալ: Ներկա պահին ատամներ հանելու փուլում է և կրկին չի քնում։ Խնդրում եմ ասել որևէ տարբերակ, որը կօգնի փոքրիկին քնեցնել։ Կարո՞ղ եմ ինչ-որ հանգստացնող հեղուկներ տալ նրան, թե՞ դրանք որևէ կերպ չեն ազդի քնի վրա։ Նշեմ, որ կերակրում եմ միայն կրծքով:

Պատասխան՝ 11 ամսական երեխային պետք է նաև հավելյալ սնունդ տալ։ Ինչ կապված է քնի հետ, ապա աշխատեք երեխային հոգնեցնել խաղերով և զբոսանքով։ Եթե նա բավականաչափ էներգիա ծախսի, ապա քնելու պահանջ կունենա։

Անուն` Ռոզա

Հարց՝  Պատրաստվում եմ մայրանալ երրորդ անգամ, սակայն երկու երեխաներիս էլ արհեստական տարբերակով եմ կերակրել պտուկ չունենալու պատճառով: Ի՞նչ կարող եմ փորձել նման իրավիճակում:

Պատասխան՝ Եթե խոսքը պտուկի ներքաշվածության մասին է, ապա այն դատավճիռ չէ։ Դեղատներում առկա են տարբեր չափերի և ձևերի կրկնապտուկներ։ Փորձեք մի քանիսը և կգտնեք հարմար տարբերակ։ Բացի այդ, օրվա ընթացքում հաճախակի աշխատեք վակուումով և դուրս կբերեք պտուկը։

Անուն` Հասմիկ

Հարց՝  Բարև Ձեզ: Երեխաս 4 ամսական է,  առկա են գրիպի նշաններ, քիթը թաց է: Ի՞նչ խորհուրդ կտաք անել, որպեսզի առկա իրավիճակը չբարդանա:

Պատասխան՝ Գրիպը ինֆեկցիոն հիվանդություն է, որը բացի քթահոսությունից ունի բազմաթիվ այլ նշաններ։ Իսկ միայն քթահոսությունը կարելի է վերացնել քթի սանացիայով, դրա համար նախատեսված միջոցներով։

Ներկայացնում է մանկաբարձ-գինեկոլոգ, սոնոգրաֆիստ Աննա Խաչիկյանը:

Անուն՝  Ռուզաննա

Հարց՝ Բարև Ձեզ: Հնարավո՞ր է՝ դեմքի վրա կորեակների առաջացումը կապ ունենա ԿԿ-ի հետ:  Եթե այո, ապա ի՞նչ անել:  Կանխավ շնորհակալ եմ:

Պատասխան՝ ԿԿ-ի հետ կապված հորմոնալ փոփոխությունը կարող է անդրադառնալ մաշկի վրա, բայց ստույգ իմանալու համար պետք է դիմել մաշկաբանի։

Անուն՝  Անահիտ

Հարց՝ Հարգելի՛ բժիշկ, ունենք մեկ երեխա: Փորձում ենք երկրորդն ունենալ, սակայն չի ստացվում: Խնդիրն ամուսնուս մոտ է: Ի՞նչ կարող ենք անել:

Պատասխան՝ Արական անպտղության դեպքում անհրաժեշտ է հստակ ինֆորմացիա սերմի որակի մասին: Դրանից ելնելով` իրականացվում է բուժում կամ խորհուրդ է տրվում դիմել արտամարմնային բեղմնավորման զանազան տարբերակների։

Անուն՝  Արմինե

Հարց՝ Բարև Ձեզ: Կարո՞ղ է դաշտանի ժամանակ մղվող արտադրությունը լինել արնաջրի տեսքով: Եթե ոչ, ապա ինչի՞ մասին կարող է հուշել այս երևույթը: Պե՞տք է անհանգստանալ, թե՞ ոչ: Նշեմ, որ փետրվարի 12-ին ինձ մոտ սկսվել է դաշտան, իսկ հաջորդն արդեն եղել է մարտի 12-ին: Նախապես շնորհակալություն։

Պատասխան՝ Եթե նկատի ունեք արյան առատ հոսքը, ապա հնարավոր է։ Կարող է պայմանավորված լինել մի շարք այլ գործոններով, ինչը պարզելու համար պետք է հետազոտվել։

Անուն՝  Մերի

Հարց՝  Բարև Ձեզ: Ուզում էի իմանալ` արդյո՞ք ճշգրիտ է երեխայի սեռը կանխորոշելու օրացույցները:

Պատասխան՝ Դրանք ստույգ չեն: Սեռի նախնական պլանավորման համար միակ 100% ճշտություն ապահովող մեթոդն արտամարմնային բեղմնավորումն է:

Անուն՝  Լուսինե

Հարց՝  Ինչպե՞ս կարող եմ իմանալ ձվազատման օրը: Վերջին դաշտանը եղել է փետրվարի 24-ին: Սովորաբար սկսվում է ամեն ամսվա 24-ին և տևում 5 օր: Այս անգամ տևել է 3 օր: Օգնեք հասկանալ:

Պատասխան՝ Ձվազատման ստույգ օրն իմանալու լավագույն մեթոդը ֆոլիկուլոմետրիան է։

Հարցերին պատասխանում է մանկաբարձ-գինեկոլոգ, սոնոգրաֆիստ Աննա Խաչիկյանը:

Ներկայացնում է «Շենգավիթ» ԲԿ-ի նորածնային ինտենսիվ թերապիայի բաժանմունքի ավագ մասնագետ Արթուր Ջանազյանը:

Հարցերին պատասխանում է մանկաբարձ-գինեկոլոգ, սոնոգրաֆիստ Աննա Խաչիկյանը: